Всероссийский сборник статей и публикаций института развития образования, повышения квалификации и переподготовки.

«Кэнчээри ыччаты кэрэҕэ уһуйан» бэстибээл көрүүтүн сценарийа.

Буолар күнэ: Олунньу ый 11 күнэ 2025 сыл

Буолар сирэ: Мүрү 2-с №-дээх орто оскуолатын аактабай саала

Буолар кэмэ: 16.00 ч.

1 түһүмэх.

Кэнчээри.

(фанфар)

1 ыытааччы:

Аламай күн сыламынан,

Үүммүт үтүө күнүнэн,

Арҕаhыттан тэhииннээх

Айыы хаан аймахтара,

Көхсүттэн көнтөстөөх

Күн улууhун оҕолоро,

Үтүө-мааны

Урааңхай Сахалар!

2 ыытааччы:

Араҕас илгэ быйаңнаах,

Арыы аллар алаастардаах,

Дьол кустугун түhэрбит

Тойон Мүрү кырдалыгар

Көрулээхтээн үөскээбит

Кэнчээри ыччатыттан

Итии-истиң эҕэрдэ буолуохтун!

1 ыытааччы:

Российскай Федерация, ЯАССР культууратын үтүөлээх үлэһитэ, Саха Өрөспүүбүлүкэтин, РСФСР, ССРС үөрэҕириитин туйгуна, Саха Өрөспүүбүлүкэтин ыччакка политикатын туйгуна, Учууталлар учууталлара, Саха Өрөспүүбүлүкэтин культууратын, үөрэҕириитин бочуоттаах бэтэрээнэ, Уус-Алдан улууһун, Мүрү, Найахы нэһилиэктэрин бочуоттаах олохтооҕо, «Кэнчээри» бастакы оҕо академическай хуорун төрүттээччи Василий Степанович Парников 80 сааһыгар уонна Улуу Кыайыы 80 сылыгар анаммыт «Кэнчээри ыччаты кэрэҕэ уһуйан» Мүрү 2-с №-дээх орто оскуолатын үөрэнээччилэрин Уус-уран көрүү бэстэбээлин саҕалыырбытын көҥуллээн!

2 ыытааччы:

- Иннокентий Сыроватскай тыллара, Василий Парников мелодията Уус Алдан өрөгөйүн ырыата.

- музыка Давида Тухманова, слова Владимира Харитонова“День Победы”

- Иван Гоголев тыллара, Василий Парников мелодията «Оҕолору харыстаан».

2 ыытааччы:

Күөх оттоох алааһым төгүрүк-

Ол устун ойуолуур кулунчук,

Одун дьөһөгөй оҕото

Оччугуйкаан тойтоко,

Чөрөс-чөрбөс гыныаҕа

Төрөл сылгы буолуоҕа.

Үҥкүүһүттэр бөлөхтөрүн толоруутугар “Дьөһөгөй оҕото”

1 ыытааччы:

Иэҕиллэр имигэс тылым,

Нуоҕайар нус-хас тылым,

Имитэр-хомутар уус тылым,

Иэйэр-куойар ийэ тылым!

Эйигинэн элбэҕи этээри,

Эйэҕэс эҕэрдэбин тиэрдээри,

Ыллыыбын ылбаҕай ырыабын,

Туойабын хомоҕой тойукпун!

2 ыытааччы:

Сыанаҕа көрсүн Диана Васильеваны. Петр Тобуруокап тылларыгар, Василий Парников мелодиятыгар “Хатыҥ”

1 ыытааччы:

Дьиэрэһий -дьирилээ, хомуһум,

Дууһаны долгута дьүрүһүй,

Иһийбит иэйиини таарыйан,

Истинник үөрүүнү эн хоһуй!

2 ыытааччы:

Олексан Алексеев толоруутугар Хомуска сахалыы матыыптар.

1 ыытааччы:

Сахабыт сирин биир дьикти көстүүтэ...

Аарыма тайҕа быыһыгар

Аар тииттэри сэлэйэн,

Төгүрүктүү тулаланан

Көнө ньуурдаах хонуута,

Таалар налыы кырдала

Сахам алааһа барахсан.

Слепцова Анжелика толоруутугар «Үчүгэйиэн, алааспар”.

1

ыытааччы:

Сценка “ Кэнчээри бастакы хардыылара”

II түһүмэх.

Уруйдан, оҕо саас! (Оскуолабыт 55 сылыгар ананар)

1 ыытааччы:

Быйылгы үөрэх дьылыгар оскуолабыт 55 сыллаах өрөгөйдээх юбилейын бэлиэтээтибит. Ырыаҕа ылламмыт, хоһооҥҥо хоһуйуллубут Мүрү эбэ илин баһыгар 1969 сыллаахха Трифонов Семен Петрович дириэктэринэн, Охлопков Василий Иванович завуһунан ананан 8 кылаастаах оскуола аана тэлэччи аһыллыбыта.

2 ыытааччы:

Үйэттэн – үйэҕэ, көлүөнэттэн – көлүөнэҕэ,

Оҕо-аймах кэтэһэр кэтэһиитигэр,

Сандаарыйар сандал сааһыгар аналлаах

«Уруйдан, оҕо саас!» диэн

Кэнсиэрбит иккис түһүмэҕин саҕалыыбыт!

1 ыытааччы: Олимпия Алексеева толоруутугар Лидия Жиркова репертуарыттан «Саха кыыҺа»

2 ыытааччы:

Музыка дорҕооно лыҥкыныы таммалыыр,

Музыка таммаҕа дьөлүтэ кэйиэлиир…

Тылбынан мин сатаан этиэ суох ырабын

Тыыннаахтыы иннибэр туруорда!

Сыанаҕа дохсун ытыс тыаһынан көрсүн «Дорҕоон» инструментальнай бөлөҕү.

1 ыытааччы:

Үөрэнэр оскуолам үтүөҕүн

Өрүүтүн өйдүөҕүм.

Оҕо сааһым биһигин

Мэлдьитин саныаҕым.

Эйигиттэн силис тардан

Элбэҕи ситистим,

Эйигиттэн кынаттанан

Олох киэң аартыгар үктэниэм.

2 ыытааччы: Кыргыттар ансаамбылларын толоруутугар «Эҕэрдэ оскуолам» Маша Потапова тыллара, Егор Неустроев мелодията

3 түһүмэх

Кыайыы 80 сыла

1 ыытааччы:

Сэрии! Бу суостаах тыл хас тэлгэһэ, балаҕан аанын ыар сурах буолан аһан киирбитэ. 1941 сыллаахха сааны даҕаны тутан көрбөтөх, хотуур, сүгэ тутуурдаах, үлэлии-хамсыы сылдьыбыт уолаттар сэриигэ аттаммыттара... Кырдьык даҕаны, сыл диэн хонук ээ. Буорах сытынан аҥылыйбыт ол ынырыктаах кэмнэр ааспыттара 80 сыл буола оҕуста.

2 ыытааччы:

Спать легли однажды дети –

Окна все затемнены.

А проснулись на рассвете –

В окнах свет – и нет войны!

1 ыытааччы:

В исполнении Аммосовой Сайынаары Куо «Катюша».

2 ыытааччы:

Мы- дети свободной и мирной страны,

Народ наш великий не хочет войны,

Нам в жизни открыты любые пути

Под небом спокойным хотим мы расти.

Стихи Михаила Танича, музыка Владимира Шаинского «Идет солдат по городу» исполняет ансамбль мальчиков.

Фанфар

1 ыытааччы:

Күндү көрөөччүлэр, истиң истээччилэр! Манан «Кэнчээри ыччаты кэрэҕэ уһуйан» диэн I улуустааҕы оҕо бэстэбээлин эҕэрдэ кэнсиэрэ түмүктэнэр.

2 ыытааччы:

Ырыалары бэлэмнээтилэр: Дмитрий Бурнашев, Ульяна Стрекаловская.

Үңкүүлэри туруорда: Ульяна Ноговицына.

Кэнсиэри уотунан-күөһүнэн, музыканан киэргэттэ: Василий Готовцев.

1 ыытааччы:

Концеры салайан ыыттылар: Слепцова Анжелика, Мигалкин Вова.

Иккиэн: Болҕомтоҕут иһин барҕа махтал! Аныгыскы көрсүөххэ диэри!

Сценарийы суруйда: Неустроева Екатерина Иннокентьевна- Мүрү 2-с №-дээх орто оскуолатын дириэктэри иитэр үлэҕэ сүбэһитэ